某个我好钟意上嘅论坛终于开返啦！

    今日下午本来项目组要开会，不过到钟数嘅时候临时通知大老板冇返嚟，会议取消。大家都“屎忽痕”咁拍手叫好之后又突然间无所事事。呵呵呵呵，当然，我都係其中一个“屎忽痕”嘅人。无聊咁点下收藏夹里边嘅地址，发觉一个我以前成日上嘅网站开返啦。计下计下，都有五个月停咗啦。

    睇到论坛主嘅公告消息，觉得呢五个月争取开通论坛实在不易。因为论坛里边总有某些人钟意打“擦边球”，或者极度无聊咁进行人生攻击或者地域攻击，讲真一句，如果想睇出位、暴露嘅图片，上网一搜一大把，何必要糟蹋人哋嘅喜好同习惯呢？

    不过我已经好耐冇“无聊”过啦，时不时过下啲轻闲无聊日子都几好。食完饭散下步，心血来潮就放荡下，又或者玩下手办砌下高达，咁样嘅生活先有滋有味。可惜宜家嘅我实在冇办法享受度。唉～～“人生总有崎岖，难免绝冇挂虑……”人生嘅真实写照啊！

    五点啦，准备去上课啦，又要对住一班90后嘅高三学生，不过最令人发指嘅係：我嘅学生里边竟然冇MM……唉～～“人生总有崎岖……”……

    最后，都係要恭喜论坛嘅再开张！

差唔多已经係本科毕业后嘅一个月啦，心情意外地平静。当自己静静咁一个喺屋企度，就会不停咁谂心情平静嘅原因。初中毕业、高中毕业都好难受，因为同朝夕相处嘅朋友分开啦，高考后嘅三个月更係终日同眼泪为伴，因为我係个感性嘅人。长时间流出嘅眼泪唔单止模糊咗双眼，仲麻痹咗容易感伤嘅心。曾经担心嘅感觉冇再爆发到，或者情况唔同咗。以前毕业，总有人离开我嘅世界嘅同时破坏佢曾经逗留过嘅地方，宜家至少仲有一个人喺度，虽然佢唔明白“离开”同“被离开”、“等待”同“被等待”嘅区别，不过至少佢会守护住我呢个可能会崩溃嘅世界。

仲有几个朋友留校，难得返去同佢哋聚下。当再次收到朋友道别嘅短信、当再次肆无忌惮咁谈天说地、当再次坐喺一齐而回忆大学四年嘅时候，先发觉自己心底里边仲係有好多好多嘅不舍。回忆唔係总係一个好习惯，不过喺我未揾到自己新嘅圈子嘅时候，呢个可能就係我唯一可以缓解自己症状嘅毒药。

本科四年，好多人喺我身边经过，好人朋友俾过我帮助。无论我哋之间嘅火花喺你心目中嘅地位係点，我都唔会忘记你喺我记忆中留低嘅痕迹。

多谢Lqq、Xx、Hzhf、Wy肯忍让我呢个任性嘅小朋友，特别係你，喺我身上留低咗太多嘅痕迹啦，不过无论我点变，嗰个浪漫嘅小故事依然会喺我脑度流传。

大一嘅机遇，令我做咗资源嘅班长，好多谢家姐、菲菲姐，同你哋合作一直令我好开心。

多谢娉同茗，忍受住我唔复短信唔复信，坚持写信写邮件俾我，使我可以忙里偷闲。

喺雁行里边嘅生活我一直都好自豪。多谢小白，俾我嘅机会，让我可以不停咁进步。多谢CEO、嘉文、胡云、位高、张弩，策划部同雁行其他嘅同僚，係我自认为辉煌嘅时候喺我身边，帮我呢个小人物完成好多不可能嘅任务，多谢！每次我都会同人哋讲，如果有得俾我拣，我一定会拣番同一条路。以前係咁讲，宜家都係，就算係以后都唔会改。

多谢P老师，再次多谢小白，多谢你哋喺大二呢一年里边保护我、鼓励我、爱护我。

多谢火柴仔！大二对于我嚟讲，除咗自豪，仲有辛苦。不过有你一直喺我身边支持我，每次都係我崩溃嘅途中将我拉返嚟。当然，有《恋爱ABC》嘅功劳。每次谂起倾计嘅日子、谂起吹口琴嘅笨拙、谂起逛校园嘅休闲；谂起一处处痛苦后嘅欢笑、谂起一个个笑话时嘅暧昧、谂起一次次电话中嘅痛快，我都会好怀念。毫冇预兆嘅酒醉之后，火柴仔将戒指戴喺我左手嘅无名指上，从此，我嘅世界唔再只得我一人。希望“旧结局、新故事”可以延续……

多谢坤坤姐喺工作上、生活上、学习上对我嘅帮助。

多谢阿Wing，一直刺激住我呢颗麻木嘅心。

多谢05资源嘅各位俾我嘅虚荣光环。

大三嘅回迁改变咗我多，呢种改变係艰辛嘅，係孤独嘅。好多谢江雪、Lhj喺我最艰难嘅时候一直喺电话嘅另一边陪住我。多谢我宿舍同联谊宿舍嘅人，波哥、大椤佑、国允、德辉、花花，仲有一班疯狂嘅地理女生，俾我度过咗一个疯狂宿舍嘅学年。

多谢于老大、陶贞老师、陈俊合老师、涂新军老师对我学业上嘅帮助，虽然我有自己嘅谂法，不过好多谢你哋对我嘅包容。

多谢Suger，虽然我同你嘅交集唔多，不过喺我病到五颜六色嘅日子里边，你主动负责我嘅所有饮食，多谢晒。

大四对于我嚟讲係混乱嘅，我不停喺各种关系里边变换住自己嘅角色。多谢JJ，大四呢一年辛苦你啦，为我哋奔波劳碌。再次多谢CEO、Wing、家姐同一切帮我哋伸张嘅人，虽然保研搞到我好唔愉快，不过至少有你哋肯听我发牢骚。

喺省社科院度实习，先发觉自己同人哋嘅差距。一入去就要承担任务，冇任何培训、冇任何示范，冇任何休息，面对全新嘅知识，边做项目边自学。不过压力转化为我进步嘅动力，仲为我嘅毕业论文打下咗基础。多谢小余、Lily、晓莉、大家姐对我嘅照顾。

再次多谢火柴仔……

多谢资源嘅朋友，无论係入学初嘅军训、陌生嘅男女生联谊，定係疲劳嘅金星农庄活动、难忘嘅北海涠洲岛毕业游，都俾我美好嘅回忆。依然係呢句话：前程似锦、友谊永存！

多谢红卜卜、师奶、高佬、小智、猪猪……

多谢帮过我嘅所有人，或者你哋对我嘅好我冇办法报答，不过我会永远记住。

温情版点名游戏

 

问卷游戏规则：看完别人的问卷后，把所有的答案改成你自己的，然后寄给你认识的人，包括寄这封信给你的人。这个理论要说的是,你将了解你的朋友更多~~~~把邮件也寄回你的寄件人。你永远不知道你会从中学到些什么。记住回复 ......

 

> 开始了   
> 现在几点：08:45

> 你的全名：陈永强

>你现在在听谁的歌: Eason

> 你在哪里读书工作：Sysu

> 上一次吹蜡烛的数目：唔记得啦

> 你通常吹熄这些蜡烛的日期：生边朋友生日嘅时候

> 你们家养过什么：鹦鹉

> 星座：水瓶

> 你有纹身吗：冇

> 喜欢目前的生活吗：或者主要係睇自己咩心情咯

> 喝过酒吗：有，仲试过呕到昏天暗地
> 不爱吃的东西：猪脑、榴莲、苦瓜

> 喜欢吃的东西：‘矮瓜’、‘薯仔’、Ice-cream……好似都几多啊

> 喜欢喝什么：可口可乐、奶茶

> 最喜欢的数字：37

> 最喜欢的电影：谂唔起

> 喜欢看哪一种电影类型：谂唔起

> 喜欢的卡通人物：剑心（原名一心太）

> 喜欢的品牌：谂唔起

> 最怀念的日子：每个时段都有“最怀念”嘅日子嘅

> 伤心的事情：每个时段都有“伤心嘅事情”，特别唔想睇到身边嘅你受伤害

> 最喜欢星期几：星期四

> 最喜欢的季节：开始觉得冻嘅秋天

> 喜欢的植物：大榕树，因为可以依靠

> 喜欢的运动：篮球

> 喜欢的冰激凌类型：原味雪糕

> 最怕什么东西：孤独

> 如果有来世：同今生唔同嘅经历，却遇上同一班朋友，爱上同一个人

> 最讨厌的事：谂唔起啊

> 最喜欢的事：同朋友、爱人喺一齐

> 想做什么职业：觉得有归属感嘅职业

> 你们家住几楼：4

> 觉得自己十年后会在哪里：自己嘅屋企

> 寄这封邮件给你的上一个人是谁：高高佬

> 无聊的时候你大多会做些什么：不停咁乱谂嘢

> 世界上最恼人的事：被迫做啲“讨厌嘅事”

> 世界上最好的事：可以同自己朋友、爱人喺一齐

> 觉得同性恋如何：唔反对，但唔接受

> 如果有人误会你：睇下係边个误会咯

> 有想过要怎么对付你讨厌的人吗：唔睬佢

> 通常几点上床睡觉：差唔多一点

> 你觉得谁会先回这封信：冇谂过

> 你觉得谁是最不可能回复的人：冇谂过

> 你现在最想见的人：我嘅棉花糖

> 你想在几岁结婚：三十岁前

> 有想过自杀吗：有

> 最希望谁回信：冇谂过

> 想不想和发邮件给你的人一起吃个便饭：呢个问题好得意啊……

 

按照自己惯例，就喺度点名啦：你、你、你、你、你、你、你、你、你、你、你、你……

 

谂唔到仲可以番珠海！呵呵呵呵，好令人开心！

好荣幸可以番去参加雁行表彰晚会，见番好多好好嘅朋友，例如佢、佢、佢、佢、佢……不过仲係漏咗同两三个朋友打招呼，例如：平博兄……喺度轻轻咁同你道个歉^_^仲识咗好多新嘅朋友，例如佢、佢、佢、佢、佢……宜家雁行社嘅秘书处好多MM啊，太令人羡慕啦。某某林部长同老Y老师好“咸湿”啊！唉～～～当初我哋部门招新嘅时候我就应该“￥＃％@×$※”啦。今次表彰晚会好有创意啊，我好中意一开始嘅情景短篇，令人耳目一新！不过做神秘嘉宾真係吓死人啦，最令自己觉得可惜嘅係好多心里嘅话好想表达，只不过嗰个场合又点适合！自己大学前三年嘅甜酸苦辣都夸张咁喺雁行社里边被放大。或者有人会唔同意，因为我冇经历过你哋唔愉快嘅经历，可唔可以俾我继续保留呢段单纯嘅回忆？不过我发觉小白比以前多咗好多胡须啊，跑步进入衰老期^_^

辛苦晒策划部嘅各位同僚啦！仲有雁行嘅各位同事！

仲有，嘉文，小心身体啊！过敏嘅时候会好痛苦嘎！

仲有，恭喜阿莹选上学生会主席！

加上雁行嘅蛋糕，我嗰十日嘅时间里边，我过咗四个生日啦。其实我好开心我可以陪朋友过佢重要嘅日子，允许喺呢度再同佢哋讲：华姐、师奶、菲菲姐、雁行，生日快乐s。  

今日终于打完比赛啦，今次将比赛时间拖得好长。不过点都好，係一个好嘅结局。终于赢咗03地理同04地信，劲兴奋。虽然今日啱啱输咗俾03市政，不过已经好满足啦。终于完成咗心愿同一个几乎冇可能嘅惊世之作。好多谢大家一直支持我哋篮球队。

P.S.“我始终相信雁行是真诚的，就是那么确定！珠海的天空还是一如既往的蓝，空旷而整洁的校园和城市总把回忆牵来牵去”——小白

仲有，Sina生日快乐！

    被O仔点咗名……

 

    游戏规则：

 

  问题一：你觉得自己幸福吗?

答:宜家仲觉得唔错，因为有啲烦心嘅嘢暂时逃避咗

  问题二：你眼中的我是什么样子的?

答：非常之好嘅朋友

  问题三：在感觉到孤单寂寞的时候，最想做的事情是什么？

答：以前会幻想好多嘢，宜家係会打电话俾朋友

  问题四：愿意尽力保护的人或事物，或者愿意维持的状态或感觉，说4个吧

答：好想保护好身边嘅人，想维持宜家唔使烦咁多嘢嘅状态

  问题五：当你遇到危险时，第一反应是什么？

答：化险为夷

  问题六：小时候，梦想的职业是什么？

答：科学家（扬基社会大学嘅教育都几唔错喔）

  问题七：什么时候你会突然想到别人

答：孤独嘅时候
  问题八：非常高兴时最想做什么？

答：讲高兴嘅嘢讲俾朋友听

  问题九：大学有什么新计划?

答：继续塑造自己，睇多啲书

  问题十: 最想做的叛逆事是什么？

答：变成新奇士
  问题十一:如果你的生命只剩下一天,你会选择做什么?

答：花半日嘅时间去整理一下自己重要嘅人嘅名单，再用半日逐个打电话过去，再听一次佢哋嘅声音，多谢佢哋一直喺我身边支持我

 问题十二：最绝望的时候是什么？

答：好似未遇到过，虽然经常遇到好郁闷嘅嘢，不过上升到绝望，就应该未有过呢种念头

  问题十三：大学的你怎么抵挡身边的诱惑呢 ？

答: 只有心中有坚定嘅目标同为之奋斗嘅决心，其实想挡住诱惑，都唔係好困难——我就係咁做嘅

  问题十四:到目前为止,遇到的最大的挫折是什么?

答：谂唔起喔，虽然挫折经常有，不过揾唔到最大
  问题十五：最怀念曾经的什么？

答：太多嘢会怀念啦，因为自己有太多嘅美好回忆，每一样都係不可替代嘅

  问题十六：现在最想得到的却还没有得到的东西是什么？

答：渊博嘅知识

  问题十七：被点名了，你郁闷不？

答：一般般啦，可以被点名，证明自己係某人心目中有比较重要嘅地位

  问题十八：在街上走着，如果没有明确的到达目的地的路线，你会怎么想？

答：揾自己随熟悉嘅路行

  问题十九：夜深人静的时候会想起谁？

答：自己中意嘅人

  问题二十一：最长的一段感情延续了多久？如果没有过的话暧昧关系或者追求的时间也行。

答：一年

  问题二十二：最害怕什么？

答：害怕失去重要嘅嘢

  问题二十三：有什么心里话想对我说呢

答：点解你内心可以有咁嘅程度嘅阴暗面

  问题二十四：对爱人（进行时将来时过去时都行）说一句话，发自肺腑的~~

答：希望我可以永远保护你，唔想俾你受伤

  问题二十五：如果你过没有网络的日子 你会？

答：还可以啦

  问题二十六：现在在想什么？

答：快啲回答完问题

  问题二十八:什么东西可以让你放弃一切?

答：暂时冇，可能喺特定嘅场合会有其他嘅谂法

  问题二十九：最害怕东西是什么？

答：答过啦

  问题三十：大学里最担心的事是什么？

答：欠人哋太多嘅嘢

  问题三十一：心目中的他/她是什么样子？

答：我心目中嘅完美形象，好难用语言描述

  问题三十二：你的偶像是？

答：张学友，A.Iversion，K.Garnett

  问题三十三：07年最想干成得一件事？

答: 做晒应承咗人哋嘅，欠人哋嘅嘢

  问题三十四：有人说你长的对不起人民你会怎么办？

答：尽自己努力使大家接受我

  问题三十五：你觉得自己长得好看吗？

答：仲可以啦
  问题三十六:至今你最后悔的一件事是什么?

答：初二时嘅犯事
  问题三十七:你有几个知己?

答：呵呵呵呵，都几多

  问题三十八:你做过得最尴尬的事情是？？

答：好多啊，数唔清

  问题三十九：遇见你讨厌的人，或者成心招惹你的人，你会怎么样？

答：扮傻
  问题四十：如果有把刀，没有法律约束，你会捅死谁？

答：我可唔可以话冇谂过呢个问题啊
  问题四十一：你做这个测试时，没有保存却突然断电了，通过简单的计算机知识你意识到你之前的打字都是白费，你会怎么样？

答：要生要死挪刀拮大肶

  问题四十二:一个曾经你心爱的人,但那时她/他不爱你,过了几年后你还会爱她吗?如果几年后变成她/他爱你,你还会接受她/他吗?

答：好复杂嘅问题，几年啦，可能已经唔爱佢啦。既然唔爱，应该唔会接受。其实呢样嘢已经发生咗啦，我嘅决定係唔番转头

  
  solo的问题: 梦想和现实是矛盾的,梦想看不到希望,在二者不能统一的情况下,是不是该低头选择现实?

答: 我会选择现实，就让梦想一直留起心中

  
  咪子的问题：结婚，你会选择你爱的人，还是爱你的人？

答：一直迷茫紧

  taful的问题：以后想做什么样的事呢？什么样的工作或什么样的生活？
答：唔係咁辛苦嘅工作，因为我可以挪多啲时间陪屋企人

 

  carmen的问题：做过最对不起妈妈的事情是什么？
答：太多啦，细个时候太唔识谂啦

 

  ceo的问题：接吻就等于喜欢么？
答：嗯，本人认为係

 

我嘅问题：有咩方法可以减肥？

 

点名啦：你，你，你，你，你，你，你，你

    5.1快到了，本人因经济困难，想做兼职，有意者来电来函咨询，本人承接以下业务：
    苦力搬运，装卸，车工，钳工，焊工，水电工，瓦工，砸墙，砌墙，筛沙，油漆，通下水道，贴瓷砖，拆洗油烟机，拆装空调，Vb，C++， .NET，C#，Java，j2ee， j2me，asp，delphi，php，汇编，PC游戏开发，网络游戏代练。网络维护管理,重装系统，电脑维修，三维建模，照片上色，平面设计，建筑效果图，flash动画，QQ挂级，硬件设计,电路板设计，单片机开发, 四六级替考，办证，代开发票，黑枪，黑车，暗杀，洗钱，要债，洗头，搓澡，按摩，刮痧,拔火罐，算命，割双眼皮…
    另：本人长期代写小学生寒、暑假作业。替小学生欺负其他同学（年龄在10岁以下），代替学生父母开家会．
    收费标准： 
    寒假作业（48页1-3年级）20元
　　   （48页4-6年级）32元
    暑假作业（62页1-3年级）32元
　　　 （62页4-6年级）44元
    欺负同学（身高1.3m-1.4m）45元
　　　 （身高1.4m-1.6m）55元
　       （身高1.6m-1.8m）价格面议
　　　 （身高1.8m以上）免谈
    打老师：女老师（75元）
　　　　男老师（100元）
　　　　体育老师（价格面议）
    代开家长会：一律50元 

呢两日都瞓得好多啊，不过都好，太攰啦，乜都做唔到。

寻日宿舍只有自己一个人喺度，好难得嘅平静。中午觉异常咁瞓得好，迷糊中醒嚟，发觉出边落紧大雨。呵呵，原来热闹非凡嘅雨声一样可以衬托周围嘅宁静。好中意呢种感觉，只不过係可遇不可求。好不由自主咁谂番起雪嘅一个习惯，佢好中意落雨嘅场景，细雨大雨都会令佢陶醉。我已经唔记得佢嘅解释啦，只係一直以嚟我都体验唔到佢嘅感受。

其实今日我依然感受唔到，我中意嘅只係喧闹中嘅宁静。

挪番个风扇出嚟，拆散，细心咁同佢洗白白。就咁样无聊之极浪费时间都几好啊。突然间幻想以后嘅家庭生活。其实自己一直都好憧憬。记得高考前嘅百日誓师，每个人都将自己嘅心愿写上卡片度，粘喺课室后边嘅黑板。自己傻下傻下咁写上希望以后可以有一个幸福嘅家庭，晚黑一家人快乐咁有讲有笑。跟住就俾人取笑啦。其实边个先係自己嘅终极目标？或者开心融洽嘅理想化家庭生活先係自己梦寐以求嘅。係咯，其实洗洗风扇，帮老婆垫好床咁简单又肉麻嘅嘢，谂起都觉得幸福啊。

不知不觉，雨停咗啦。

寻晚Presentation大赛复赛，我哋组挪咗第一啊，的确令我哋兴奋咗好长一段时间。不过对于我嚟讲，我有好深嘅悔意，因为从头到尾，我几乎都冇为大家做过咩，只係喺5日嘅时间里边研究咗下古代资料，同写咗古代部分演讲词。而大家都喺度熬夜，准备PPT，准备演讲。到最后一日嘅合练里边，我都唔可以归队，太唔应该啦。搭便车嘅感觉果然唔好受。

不过点都好，今次CS小组拉我入组，证明自己都有价值俾人利用。而且CS小组讲嘅係关于广州城市形态演进嘅主题，我可以借呢次机会学多啲嘢，了解自己出世嘅地方。仲有决赛——一个证明自己嘅机会。

原来我着西装好好靓仔嘎，沾沾自喜一下。

前几日番咗珠海同WingWing庆祝生日，好开心啊。送公仔俾佢嘅场景，连自己都觉得感动啊。虽然要逃课，不过唔觉得后悔，见到阿Wing开心，自己都会开心。又识到新嘅朋友，所以觉得今次番珠海好有意义啊。

发觉已经目不暇接咁忙咗一个月啦，不过又发觉喺呢段时间里边，有好多新奇又有趣嘅事发生。今个星期一嘅工程水文学里边，陈老师突然间话揾四个人先睇半个钟书，跟住就上台讲课。我俾点咗相。到最后陈老师评价我嘅时候，就话“刚刚永强讲的，如果是我讲的话，也只能讲到这个程度了。”虚荣心突然间爆棚。呵呵，沾沾自喜一下。

继续努力学习！

    二十五种快乐的方法：
    做人快乐最重要! 人生一定要快乐，不仅为自己，也为別人!
    因为快乐的人最美丽，也最有魅力!

1.保持健康，有健康的身体才有快乐的心情.*
2.充份的休息，别透支你的体力.*
3.适度的运动，会使你身轻如燕，心情愉快.*
4.爱你周围的人并使他们快乐.*
5.用出自内心的微笑和人们打招呼，你将得到相同的回报
6.遗忘令你不快乐的事，原谅令你不快乐的人.*
7.真正的去关怀你的亲人，朋友，工作和四周细微的事物
8.别对现实生活过於苛求，常存感激的心情.*
9.享受人生，别把时间浪费在不必要的忧虑上.*
10.身在福中能知福，亦能忍受坏的际遇，且不忘记宽恕.*
11.献身於你的工作，但别变成它的奴隶.*
12.随时替自己创造一些容易实现的盼望.*
13.每隔一阵子去过一天和你平常不同方式的生活.*
14.每天抽出一点时间，让自己澄心静虑，使心灵宁静.*
15.回忆那些使你快乐的事.*
16.凡事多往好处想.*
17.为你的工作做妥善的计划，使你有剩余的时间和精力任由支配.*
18.追求一些新的兴趣，但不是强迫自己去培养一种习惯
19.抓住瞬间的灵感，好好利用，别轻易虚掷.*
20.替生活中制造些有趣的小插曲，制造新鲜感间，使自己耳目一新.*
21.蒐集趣闻，笑话，并与你周围的人共享.*
22.安排一个休假，和能使你快乐的人共渡.*
23.去看部喜剧片，大笑一场.*
24.送自己一份礼物.*
25.给心爱的人一个惊喜.* 

    情人节单身男人出租，

    《女方年龄限在18-22岁,确定女性身份》

    优惠大酬宾：

    价格如下：

    陪逛街：15元/小时  3小时起10元/小时  （鞋底要报销）

    陪吃饭：8元/小时  3小时起 3元/小时  （雇主请客制）

    陪看电影：10元/小时  3场以上8折优惠  （禁止看鬼片）

    陪去聚会：15元/小时  3小时起5元/小时  （危险地方不去）

    拉手：1元/次 5元/全天 

    拥抱：2元/次 10元/全天

    接吻：1.5元/次 20元/全天

    陪过夜：倒贴10元  

        消费满１００送１００服务  

        从韶关番嚟嘅第一晚，瞓唔着觉……

        其实只有一件事令我心一直喺度跳，不能自拔……

        只係知道，已经好耐冇呢种强烈嘅感觉，就算瞓紧觉都会喺度笑……

        宁愿每日都食大肠，鸡皮，宁愿每日都俾叫一次“小强妈妈”……

        好想每日都重温一次嗰日低头之后所发生嘅一切……仲有称赞我嘅每一个优点……

       

        仲有好多嘢想讲，不过一谂起，就会激动到脑里边一片空白……

       

    真係谂唔到啊，眨下眼，晚会已经搞完啦。连自己都唔明白，点解又有一种仿如隔世嘅感觉……

    谂番起呢个月，真係无比咁辛苦，突然间发觉一切都缥缈而睇唔透。已经有几日我连行路嘅力都冇啦，已经有几日眼瞓到完全冇晒思维，已经有几日啲人一见到我就话我憔悴，已经有几日要一直等到晚黑十点几先有第一粒米落肚，已经有几日连宿舍都冇番到，甚至乎有一日因为谂住晚会嘅嘢，想去冲凉，点知一入厕所就出番嚟啦，完全唔发觉自己仲未冲……真係地狱式嘅生活啊！

    不过辛苦真係有回报嘅，晚会好成功啊，感觉超正！而且我哋嘅雁行舞蹈得到大家嘅肯定，掌声好多啊！突然间觉得自己其实真係唔屎，完成咗好多之前觉得唔可能嘅任务。不过可惜嘅係，我一直喺度做呢样做嗰样，根本冇时间去睇下自己搞嘅晚会。如果我可以坐喺场里边欣赏下，咁就Perfect啦！

    晚会结束啦，大家都劲兴奋。不过嗰种人去台空嘅感觉又有边个可以明白。所以兴奋好快就过咗去啦，剩低嘅就係空虚。不过算啦，我都习惯嘎啦，因为每次我都係咁，活动完之后我都只想一个人咁静下，感受下嗰种淡淡嘅失落。

    呢段时间觉得世界变咗好多啊，发觉身边嘅好多嘢原来唔係自己所谂咁嘅！因为班嘅事先发觉有啲人真係好自私，有啲人睇问题可以咁肤浅，有啲人讲嘢可以咁唔识分场合……又因为表彰晚会先发觉有啲人好冷漠，有啲人只係顾自己，而更多嘅人令我感动到想喊！喺呢度无论如何，我都要多谢呢段时间喺我身边支持我嘅朋友。

    小白：我第一个要多谢嘅人无论如何都係小白，虽然前一段时间我心情劲差，不过小白一直都好体谅我，一直鼓励我，企喺我哋呢种小人物身边度做呢个晚会。仲俾我喺佢宿舍度露宿咗三日，照顾我呢个冇家可规嘅细路，太感动啦！太多谢啦！

         P老师：一直喺度保护我、爱护我嘅老师。就算我嗰次喺办公室度失态，P老师都照样鼓励我，而且要我一定要熬住。仲记得老师同我讲：一定唔好喺自己班度揾女朋友啊！^_^

    策划部嘅大家：如果唔係策划部，我谂自己应该一早就放弃啦。因为我知道如果我放弃咗，就会连累自己部门其他人，所以点都好，一定要熬落去。特别係CEO同嘉文，一边搞晚会，一边排练节目其实係好辛苦嘅，嘉文一直都坚持落嚟。而到咗最后一个星期，咁辛苦嘅情况下，CEO就咁熬咗落嚟，做嗰啲都係苦力，晚黑同我熬夜，太感激啦。

    燕玲：係私人上好感激燕玲。因为我哋嘅成个舞蹈都係燕玲一手一脚去谂，去练出嚟嘅。而且因为我哋嘅懒散，搞到燕玲好激气。太唔好意思啦！喺度讲声对唔住！

    胡云：我一直都好佩服嘅人。太识为人着想啦！记得11号嗰晚，到最后只剩番几个人收拾啲嘢，而胡云已经攰到一啲力都冇啦，不过仲係度坚持帮手。当时我真係感动留出咗眼泪啦。

    位高：其实今次晚会我哋真係唔够人做嘢啊，所以我只可以一直透支位高。所以一定要讲句：多谢晒！

    雁行社嘅其他同僚：其他人真係唔可以漏咗，靠你哋嘅辛苦，甚至乎通宵，先可以係奖品上边有着落。

    火柴仔：火柴仔係一睇我嘅表情，就可以知道我心情点嘅好朋友。而且我越来越发觉我哋真係心灵相通啦，当我唔开心嗰阵时，火柴仔就无端端郁闷，而当火柴仔有嘢嗰阵时，我就会不约而同咁出问题。记得前一段时间，我终于顶唔顺啦，大喊一场。嗰日火柴仔就好默契咁打电话俾我，想同我出去食饭。发觉欠火柴仔太多啦，因为火柴仔一直将我放喺佢心里边，而我就懒懒闲。太多谢你啦！

    阿Wing：每次见到阿Wing都会好开心，几唔好嘅心情都会暂时放低！前一段时间陪我去上课，同我倾计，太开心啦！其实我有一个过分嘅要求啊……

    宜家慢慢谂番起，发觉有啲嘢其实冇必要好执着。P老师讲得啱，当我哋大咗以后，再谂番宜家，就会知道其实执着只係一时冲动。所以我应该学下点样去宽容啦！

 

    考试啦，好恐怖啊！突然发觉我咩都唔识啊，又发觉我已经好耐冇去上课啦，又再发觉我抄咗两个星期作业啦，最后发觉呢次肯定彻底糯米鸡啦。

   

    不过算啦，我都冇后悔过。虽然好忙，不过都有开心嘅嘢！首先创红我哋班挪咗第三名，即係可以挪到院级嘅红旗团支部啊！之前嘅准备真係好辛苦啊，除咗写自己嘅简介，仲要写关于团支部推优同党员文明示范义务服务队两部分，跟住接咗最后演讲同答辩嘅任务，所以就要熬夜配合做PPT啦！虽然有少少准备，不过都係好紧张啊！演讲嗰阵时只脚係咁震，不过我食过夜粥，个样同把声掩盖咗紧张！我上场时竟然有个惊喜，全部人都係度鼓掌，而且只有我有呢个待遇，睇嚟我嘅人缘唔错啊！我仲发觉其实我嘅普通话唔係十分之差啫，可以接受啊！当公报结果嗰阵时，完全兴奋到极点，我哋挪到第三，而且係我哋专业零嘅突破。场面好搞笑，我哋比第一名仲兴奋。辛苦係值得嘅！呵呵呵呵！唔好意外，其实我哋专业唔差嘎！

     

    跟住开始将啲心机放落番我部门嘅活动度啦，勤工助学论坛从上个学期就开始构思，不过要等到呢个学期先可以实行！不过令人郁闷嘅係上边领导嘅时间实在太唔确定啦，星期一晚黑闻说推后，点知第二日睡梦中接到通知话如期举行，恶梦啊！时间真係好紧迫，而且讲真我哋都准备唔够。论坛一开始真係好沉闷，我坐喺台上，好惊呢锅糯米鸡啊！好彩嘉宾实在劲，完全係佢哋救咗呢个论坛，救咗我哋啊！突然间觉得好对唔住小白啊，将佢嘅希望搞成咁嘅样。小喇叭，朱茜，搞咩啊？跟住去食宵嘢，到后尾，姜老师好感慨，讲咗好多平时冇机会听嘅话。的确讲得啱，好快我就要离开啦，虽然想象当日嘅情形仲係好模糊，不过已经係令人伤感啦！

    论坛搞完啦，虽然实在好差，不过总算有一种解脱嘅感觉。跟住呢两个星期都同坤坤姐係一起。识到佢都几意外，因为佢係服务队队长，准备拉联通赞助。而我假假地都算係服务队嘅元老级人马，而且我上次搞启动仪式都係拉联通赞助，咁我哋就一拍即合啦！上个星期一直係度研究拉赞助嘅嘢，今个星期终于成功咗啦，有我一份功劳啊！星期五坤坤姐喺“岭南大讲堂”度有份做表演嘉宾，我当然捧场啦，而且我想睇下一个好嘅论坛应该係点啊？果然冇去错啊，我突然发觉我哋嘅论坛除咗准备唔够之外，仲有一个就係我哋论坛开始嗰阵时冇音乐啊，点解会咁嘎？其实我准备咗嘎啦，不过为咗Call马，完全唔记得咗呢件事啦。唉～～冇经验啊！

 

    又到星期六啦，雁行社去东校区同三余社交流，我可以借呢个机会免费番屋企啊。不过嗰日啲车真係好难顶，又爆肽又荡失路，拉出去枪毙五分钟就啱啦。不过好开心，因为可以番屋企啦。原来大学城离我屋企真係好远嘎，我坐地铁转咗三次车，搭齐四条线，用咗差唔多一个钟，先番到去啊！当然，咁难得番到去，梗係要去买CD啦，皆因珠海实在难揾到好嘅CD铺。超正，我终于买到《裸音》啦，N多音乐人对佢嘅评价都非常高，我都期待啊！

 

 

      突然间谂起上个星期爬山去北师大。嗰日好特别啊，落完雨，劲大雾。係山上嘅感觉好特别，四面都係朦朦胧胧，再远啲连人都睇唔清啦。发觉所有嘢都融为一体，惊叹自然呢种神奇之笔嘅同时，又喺度惊叹我哋可以同自然咁接近。呢种情形令我谂起最近睇完嘅《虫师》，动画里边以虫呢种界乎生同死嘅原始生物为主线，讲述咗一个个耐人寻味嘅故事。故事里边嘅虫唔係我哋思维观念里边嗰种虫，佢有离奇嘅形态，以“光酒”为自己生命源泉，并确实生存喺人类身边！冇错，故事里边一直都潜移默化咁讲咗一个道理：人同自然应该和睦咁共存！而喺山上我一直都有呢种感觉。不过落完雨啲路好滑啊，我有几次都差啲扑街啊。有啲地方如果真係唔小心，就係咁大啦。三个半钟爬到，真係无比咁攰啊！

    就快考试啦，突然间好嬲自己啊！因为一啲都唔为自己着想！CEO话得啱，点都好，唔可以放弃自己嘅学习啊！又开始同宿管部一齐搞宿舍文化节啦，不过唔可以再堕落啦。要调整下心态！

    前几日发梦，同欣欣好开心咁一起行街。原来做猪都可以好幸福嘎！^_^

    死啦，又开始新一个星期啦，我上个星期嘅作业一啲都未做啊！点办？

    上个星期简直就係梦魇，从星期二开始就未瞓过好觉，每日都喺开会，值班，乱咁谂嘢之中度过。一个星期7日竟然有5日都出现咗喺学工办，只有3日中午瞓咗觉，真係匪夷所思！

    到宜家都係谂唔明，学工办大门钥匙去咗边度玩啊，荡失路都应该打个电话番嚟啦。唉～～～～得闲要教育一下先。唔通……畀边条屎忽隆绑架咗……冇人性啊！

    星期六晚同小白，CEO去九州城度食嘢。嗰晚完全係对胃嘅极大考验，专门食啲贵又唔饱嘅嘢，超正！如果一早知又啲咁正嘅事，我就提早绝食啦，留番个肚疯狂咁扫荡！嗰日真係名副其实嘅愚人节，我竟然逢猜必需，唔通我就係传说中嘅猜情寻白痴小王子？？？搞到又食萝卜，又食木瓜……简直就无所不有，而且都係劲难食嘅。不过唔知食完呢个木瓜之后我身材会唔会变得特别好呢？

    死啦，数学作业，英语作业，专业课作业，室内设计作业，有咩方法可以快速处理呢啲历史遗留问题？睇嚟方法有且只有一个，就係“借鉴”下人哋嘅作业啦。好啦，既然决定咗，就要雷厉风行咁去执行，听日就“抢”同学嘅作业嚟“抄”，哦，唔係，係“同佢哋作一个学术嘅交流”先啱！呵呵呵呵！

俾小白点咗相，冇办法啦！唯有俾小白为所欲为啦。

 

請列出10樣最想做的事情（短期長期均可）：

其实我上边已经写咗我嘅愿望啦。

1.        身体健康，特别係只脚，我太对佢哋唔住啦。

2.        的确要好好学下习啦，而且要静低心嚟学。

3.        雁行社嘅工作我可以做得好好睇睇。

4.        可以帮欣欣、屋企人分担啲痛苦。

5.        可以令火柴仔、CEO、阿Wing高高兴兴，身体健康。

6.        反省一下我呢两个学期做嘅嘢，解决同某个朋友嘅矛盾。

7.        连续几日都睡眠不足，所以好想安心咁瞓番觉。

8.        嗰日开完会，先知自己一直对某件事劲迷茫，好想解决啊。

9.        可以讲多门语言。

10.     以后可以过一种平静，温馨嘅生活。

 

回答以下題目，刪除其中自己最不喜歡的一條，再加兩條自己提出的問題，另點五個人。

哇～～～完全唔合理，咁传落去，啲问题咪越来越多～～～～？？？

1.        你很喜歡他/她，可是在一起卻令你覺得好累，你還會跟他/她在一起嗎？

答：应该会！

2.        你最後悔做過的事情是什麽？

答：呢排谂咗好多嘢，发觉好多嘢真係后悔做咗。太多啦，唔讲得唔得啊？

3.        今後，如果可以，你會跟你最愛的人結婚嗎？

答：我完全赞同小白，呢个问题实在白痴！

4.        如果向异性好友隐瞒自己的感情经历，你认为这是出于什么样的心理？

答：咩问题嚟嘎，咁难答嘅。如果係咁，应该係同佢冇咁熟挂。

5.        孤單的時候你會想起誰？

答：唔同时候会谂起唔同嘅人喔，放假会谂起华姐，呢期，经常会谂起火柴仔。

6.        你赞成善意的谎言吗？原因是什么？

答：完全赞成。我本身就係一个比较唔直接嘅人，所以有时会不停咁讲呢啲“善意嘅谎言”

7.        请问你现在多重？

答：≥65KG

8.        请问你发现被点到是什么感觉？

答：咁就梗係爆开心啦！

 

死啦，我想问嘅，上边已经问咗啦，真係头都大啊。

1.        你觉得咩事会令你特别高兴？

2.        你觉得咩事会令你特别唔高兴？

 

Yeah～～～点名啦～～～大家坐好，等我分猪肉……不过小白已经点咗CEO啦喔，我仲可唔可以点佢啊？咁自己呢？边个可以同我讲啊？

 

华姐、思芝姐、阿Wing、小智、琳瑛

        寻日公布最恐怖嗰两科成绩，四级同水文学，我竟然两科都过咗，爆兴奋！虽然两科都考得奇差，不过大难不死就必有后福，呢锅係好嘅开始啊！

        有句话讲得好，“考得好不如不如考得巧”。嗯～～～～宜家已经充满动力同希望，我要努力学习啊！

        今日考地质地貌学，本来好郁闷既，因为实在太多5识啦。一开始我就知小白监考，我5敢望距啊，因为一望距我就想笑啊！死啦，如果系度无端端甘笑，老师肯定以为我身有屎！于是乎我就一直低头做自己既试卷。