再睇多一次《秒速五厘米》，依然让我嘅眼泪一直喺眼里边打转，依然係充满淡淡嘅哀伤。画面好唯美啊，情节好平凡，却唔平淡。好钟意第三部分，因为男主角复杂嘅感情却异常真实。唔知从边涌出嚟嘅不安压得男主角喘唔过气来，终于喺某一日，辞去自己嘅工作。因为佢喺经历咗无数个编写冇收信人短信嘅日子、无数个通宵嘅晚上之后，终于发现有啲事情，可以好洒脱咁放开……

小时候嘅感情都纯洁得唔敢用手去触碰，因为可能一碰，佢就好似水中月一样，破碎得令人心痛。不过樱花树下嘅誓言始终令人感动；夜空下嘅一吻始终令人心醉；冷风下嘅守候始终令人温暖。或者随着年龄嘅增长，所有一切会变得不再真实，咁又有咩所谓，至少经历咗好多起起伏伏之后，喺某一日会突然间发觉，原来雪地里嘅脚印一直清晰咁印喺自己嘅脑里边，就算你曾极力用无数嘅通宵去忘记……

始终都係一部好我钟意嘅动画！

天又开始落雨啦。“雨”呢种天气现象从以前开始就一直会出现我嘅脑里边，有时候係欢欣雀跃，有时候却係愁眉苦脸。呢几晚宿舍都疯狂咁吵闹，其实以前一直都係咁，只係自己越来越想静静咁沉浸喺自己嘅世界里边，筑起茧，隔绝所有人嘅探访。坐咗喺走廊度，望住出边嘅瓢泼大雨，好多自己都讲唔清嘅谂法同感觉，好奇怪又好似曾相识嘅感觉。睇番自己之前写嘅日志，发觉原来自己已经唔係第一次描写落雨时嘅心境啦。不过会因为自己嘅状态而有唔同嘅心情——有时会觉得雨声可以衬托出环境嘅宁静，有时会觉得好想一个人同“雨”静静咁相处，有时候又会觉得落雨会令人好烦厌。唔知喺天堂度嘅神仙会唔会听完人类嘅故事后，将自己嘅眼泪落到人间？

呢一晚，竟然喺毫无先兆嘅情况下失眠。以为连续喺名典度上班，仲坚持去跑步、做gym，人就会贪恋床铺。不过又唔奇怪嘅，就算一日工作十三个钟，我一样可以失眠，一样可以可以透支自己嘅脑细胞。听住宿舍出边嘅雨声，慢慢开始觉得难受。唔敢睇手机，唔敢知道宜家几点，感觉就好似一个人喺海上飘荡。不过我好好彩，起码仲有宿舍嘅鼻鼾声一直陪我到天光。

上天，可唔可以唔好喺我揾唔到自己背影嘅时候流下你沉重嘅眼泪？

越来越发觉原来问题真係只有自己一个人去解决先得，其实唔想一个人独自去承受，只不过真係谂唔到仲可以点做。一直以来，喺学校係个榜样，喺部门度係个挡箭牌，喺出边係头头，喺屋企係精神支柱，其实好多时候撑得好辛苦，只不过係自己一直戴住面具。不过问题始终可以解决嘅，係米？

小小强，理直气壮啲啦！

或者心情仲处于过渡地带，又或者自己更入戏啦，至少自己仲可以挤出苦涩嘅笑容。一个演员嘅演技仲会有进步嘅时候嘅，呵呵，咁就尽量保持啦。

呢几日当宿舍好嘈嘅时候，我都去咗楼梯间，坐喺栏河度听歌。相对宁静嘅环境让我心境会平静好多。虽然依然会谂好多嘢，不过觉得自己可以控制到。已经无力同人提起自己嘅事啦，或者只有晚黑嘅呢个时间我先有勇气去安抚自己嘅心灵。

对住已经收咗线好耐嘅手机苦笑一下，原来，真係好苦啊……

近段时间嘅生活过得枯燥而平淡，除咗无时无刻喺度上课之外，仲要不停咁做习题。不过自己竟然觉得几好，呵呵，就暂时咁过落去都几好。

前一段时间仲喺度追紧《One Piece》，先发觉苏文同学讲得有道理。竟然喺《Jump》里边连载咗十年，仲可以排第三位，证明佢的确好唔错。讲真啦，如果连载时间短啲嘅话，绝对係王道。喺《One Piece》浩瀚，好似大海咁嘅世界观里边，财富、名声、权利其实只不过係通向友情、感性、固执嘅桥梁。而Nico Robin同CP9嘅纠缠将《One Piece》嘅煽情推到高峰。呵呵，路飞竭斯底里对梅利号嘅呼唤，竟然就流咗两次眼泪。

一个偶然嘅原因，睇咗关于《交响情人梦》电影嘅评论，似乎係一部好吸引嘅动漫。于是呢几日得闲就睇下。果然，係一部精品。虽然我唔明古典音乐，亦都唔係太赞赏佢嘅背景刻画方式（总觉得剧情表现出来嘅感觉同背景唔係好协调，唔通我冇咩音乐细胞？！），不过人物嘅设定绝对值得一赞，而声优都唔错。

喺情节里边《交响情人梦》嘅男主角叫千秋真一，一个典型嘅艺术世家富家子弟。喺剧里边，无论发生咩事——初演失败、照顾野田惠、指挥乐团演出，就算係陷入迷茫，都表现出应有嘅高贵。因为心里阴影，使到千秋放弃一条应该属于自己嘅路，喺完全迷失自我嘅时候，竟然俾女主角——野田惠帮佢揾到暂时嘅人生目标。呢个人生目标从一开始嘅被迫接受到后嚟嘅主动向往，中间发生咗太多嘅纠缠。虽然千秋对野田惠好“粗暴”，经常“暴打”佢，不过呢种“粗暴”係源于千秋嘅高贵。从佢愿意帮野田惠洗头，照顾起居饮食，甚至係“魔鬼式”对待S乐团首席小提琴手——峰嘅种种细节，都透露出千秋嘅细心。虽然千秋已经发现自己暂时嘅价值，而且已经开始肯定野田惠嘅努力同决心，不过剧情又令人摸不着头脑，真係令人期待。

野田惠——故事女主角，千秋口中嘅怪胎，一个可以四日唔冲凉、可以为食物而失去理智、大脑未发育完全嘅女仔。对五线谱先天性嘅唔敏感，却有一对天才般嘅耳朵，听一下千秋弹嘅曲，就可以用自己嘅理解弹番出来；拥有超于常人嘅演奏技巧，却无法表现出嚟；因为佢大脑未发育完全，所以可以习惯性咁厚住面皮同千秋讲“爱”；因为佢连自己都照顾唔到，先可以俾机会千秋照顾佢；亦都因为野田惠好似一张白纸咁纯洁，所以可以缠住“万人迷”千秋而唔会俾人“暗杀”。而且野田惠嘅声优太正啦，同人物性格配合得天衣无缝。

一个细心而高贵嘅榜样式男主角，一个纯洁而唔讲究卫生嘅冒失鬼般嘅女主角，加上美丽嘅首席小提琴手，冷静嘅首席双簧管手，自负嘅大提琴手，花痴嘅定音鼓手……组成《交响情人梦》嘅大家庭……   

期待野田惠嘅第一次比赛……

就快五一啦，几期待啊，因为有个借口休息一下啦。其实呢几日已经开始冇心机上课复习啦，不过咁先係一个正常人，明知放假啦，都可以集中精神做啲咁枯燥嘅嘢，绝对应该拉出去虐待。今日打波，突然间内分泌失调，喺场上简直所向披靡，连上帝落到嚟到唔可以阻止我啊。其实我打波嗰阵时好靓仔嘎，大家欣赏一下啦。

番到宿舍，竟然只有一个人，太难得啦。一边听歌，一边喺度睇《动漫贩Animation&Comic Fans》，一部短篇动漫《秒速5厘米》吸引住我，一部围绕仲读紧高中嘅男女主角嘅相逢画面而展开故事嘅动漫。我一睇图片同文字介绍，就好中意啦。唯美嘅选景，浪漫嘅场面，宁静嘅环境，动人嘅一幕，单纯嘅真爱，细腻嘅感情……全部都係我中意嘅动漫元素。摘录一段版主嘅评论：

“……在演到两人转学后，男孩讲述两人通信的情况时，我觉得有那么一点缓慢沉闷了。尽管背景美不胜收，但也不嫩个指望这样独白能撑个10分钟而不让人走神吧。可是，到了那个男孩——原野贵树孤零零地坐在列车上，在一个个空无一人的小站里等让车的情景时，不由自主的震撼，抵消了前面对那长段独白的不耐。那种天地间只有我一人的强烈孤独感，简直就是“千山鸟飞绝，万径人踪灭”这句诗意境的动画最佳体现。所以，当他到达目的地，看到灯光下火炉边的等待他六小时的女孩时，那份柳暗花明的激动和感动，确实是无比真实和强烈。如果有个女孩这么等我，我绝对会跟她一辈子的。新海诚所表现，所营造的这种感情和感动，也不适合用平淡来形容，而是一种抽离了所有杂质的，只求达到极致的纯净和热烈，像钻石一样璀璨的东西。所以，我们不用去思考，为什么两个半大不小的孩子，居然能在大雪天出外呆了一晚，而不被家长打电话寻找和追问这种扫兴的话题了……”

可惜只有喺日本嘅个别电影院先可以睇到三步贯通嘅完整版本。

发觉宜家可以吸引到我嘅动漫几乎都係典型少男情节、少男画风嘅。好似我宜家睇紧嘅《叛逆的鲁鲁修》、《One Piece》，无论係为复国、借正义之名而杀戮，抑或係为完心中理想而展开冒险，都係少男动漫味极重，《Bleach》、《火影忍者》就更加啦。而《X》、《不可思议的礼物》嘅人物造型又非常少女画风，我唔中意。而《校园迷糊大王》、《Keroro》等只不过係纯恶搞，唔可能成为我心目中嘅主菜。所以少男动漫占据晒我嘅视线。

慢慢谂番起自己睇嗰嘅动漫，其实有好多係行感情路线嘅。《I''S》係讲述高中校园嘅情感生活；《蜂蜜与四叶草》故事发生喺大学里边；《Nana》故事更加复杂，因为佢已经带住我哋跨入成人嘅社会生活。而我都好中意宫崎骏与吉卜力工作室系列动画，中意佢哋对细腻嘅情感、细节嘅完美追求，中意佢哋分明嘅线条、朴素嘅色彩配合毫无棱角嘅人物造型。甚至乎《浪客剑心》都唔係一部纯粹嘅华丽动作少男漫画，里边仲有各个人物经过斗争而喺新世代里边揾到自己生存空间同意义嘅元素、有对打有时代烙印嘅友情爱情嘅诠释。

当然，我都係好中意华丽嘅打斗，华丽嘅服装设计。发觉虽然《一骑当千》嘅漫画设计好俗套，不过佢周边嘅产品好令人耳目一新，值得一赞。

期待《秒速5厘米》！

P.S.“据说，樱花落下的速度，是秒速5厘米。”唔知呢个係唔係佢个名嘅解释呢？不过讲真，用中文去读题目，唔好听啊，唔知秒速5厘米嘅日文发音会唔会过耳不忘？